Ասադը կողմ է Սիրիայի հարցով Պրահայում բանակցություններ անցկացնելուն
Սիրիացիները կարծում են, որ խաղաղ համաժողովն ու խնդրի կարգավորման խաղաղ պայմանագրի ստորագրումը կարող են տեղի ունենալ Պրահայում: Այս մասին հայտարարել է Սիրիայի նախագահ Բաշար Ասադը, տեղեկացնում է korrespondent.net-ը:
«Երբ հիշատակվում է Պրահան (սիրիական կարգավորման հարցով խաղաղ համաձայնագրի ստորագրում), ապա այդ գաղափարը կընդունվի մեծամասնության կողմից, քանի որ ձեր երկիրը գրավում է հավասարակշռված դիրք»,- ասել է նա չեխական հեռուստաընկերությանը տված հարցազրույցում:
Միևնույն ժամանակ, Ասադը նկատել է. «Եթե դուք հարցնեք սիրիացիներին, ապա նրանք ձեզ կպատասխանեն, որ չեն ցանկանում խաղաղ համաժողովի անցկացում, օրինակ՝ Ֆրանսիայում, քանի որ Ֆրանսիան աջակցում է ահաբեկչությանն ու պատերազմին, այլ ոչ թե խաղաղությանը»:
Պրահայում Սիրիայի հարցով խաղաղ համաձայնագրի ստորագրման գաղափարն առաջ է քաշել Չեխիայի նախագահ Միլեշ Զեմանը սեպտեմբերին:
Նշենք, որ Ֆրանսիայի նախագահ Ֆրանսուա Օլանդը անցած շաբաթ Վաշինգտոն կատարած այցի ժամանակ հայտարարել է, որ Փարիզը հանդես է գալիս քաղաքական արենայից Ասադի հեռանալու օգտին:
