ՆԱՏՕ-ն նախադրյալներ չի տեսնում ռուսական նավերի առաջ Բոսֆորի նեղուցի փակման համար
Թուրքիան չի փակի Բոսֆորի ու Դարդանելի նեղուցները ռուսական զինվորական ու քաղաքացիական նավերի համար, հայտնում է TASS-ը:
Նշվում է, որ երկիրը հետևում է Մոնտրյոյի 1936 թվականի կոնվենցիային, որը երաշխավորում է նեղուցներով բոլոր նավերի ազատ անցումը: Նման կարծիք է հայտնել ՆԱՏՕ-ում ԱՄՆ մշտական ներկայացուցիչ Դուգլաս Լյուտը նոյեմբերի 30-ին տեղի ունեցած հեռուստահամաժողովի ժամանակ:
Նշենք, որ Թուրքիայի՝ պատերազմական վիճակում գտնվելու կամ «ռազմական վտանգի սպառնալիքի ներքո» ռազմանավերի մուտքը նեղուցներ, մնում է Անկարայի հայեցողության ներքո:
Եթե պատերազմ պաշտոնապես հայտարարված չէ, Թուրքիան պետք է թողնի նեղուցով նավարկել օտարերկրյա նավերին: Խաղաղ ժամանակ ռազմական ու քաղաքացիական նավերը կարող են ազատ նավարկել նեղուցներով:
Հաղորդվում է, որ ՆԱՏՕ-ն կաջակցի Թուրքիային կոնֆլիկտի դեպքում՝ չճշտելով դրա հնարավոր բնույթը:
Հիշեցնենք, որ ավելի վաղ ՆԱՏՕ-ի գլխավոր քարտուղար Յենս Ստոլտենբերգը աջակցություն էր հայտնել Թուրքիային՝ կապված ռուսական «Սու-24»-ի դեպքի առնչությամբ:
