Անգլիայի հավաքականի մարզչին կհեռացնեն, եթե թիմը վատ հանդես գա 2016թ. Եվրոպայի առաջնությունում

Թե կոնկրետ ինչպիսի արդյունքը կհամարվի հաջող, չի ճշտվում:

Անգլիայի հավաքականի գլխավոր մարզիչ Ռոյ Հոջսոնը կհեռացվի այն դեպքում, եթե թիմը անհաջող ելույթ ունենա 2016թ. Եվրոպայի առաջնությունում:

Մարզչի պայմանագրի ժամկետը ավարտվում է 2016թ. ամռանը: Օրերս Հոջսոնը հանդիպում է ունեցել Անգլիայի ֆուտբոլային ասոցիացիայի տնօրեն Մարտին Գլենի հետ:

Հանդիպման ժամանակ Գլենը հասկացրել է, որ նոր պայմանագրի վերաբերյալ բանակցություններ չեն սկսվի, եթե թիմն անհաջող հանդես գա 2016թ. Եվրոպայի առաջնությունում: Թե կոնկրետ ինչպիսի արդյունքը կհամարվի հաջող, Գլենը չի ճշտել:

«Ռոյն իսկապես լավ մարզիչ է, բայց եթե մենք վատ հանդես գանք Եվրո-2016-ում, նա չի մնա իր պաշտոնաում»,- հայտարարել է Գլենը:

Անգլիայի հավաքականը 6 խաղերից հետո 18 միավորով գլխավորում է Եվրո-2016-ի ընտրական մրցաշարի E խումբը:

Պատրաստեց Անի Գաբուզյանը