Դիեգո Մարադոնան ներողություն է խնդրել դատավորից` ձեռքով խփած լեգենդար գոլի համար
Մրցավարը 29 տարի սպասել է ներողության:
Դիեգո Մարադոնան հանդիպել է թունիսցի մրցավար Ալի Բեն Նասսերի հետ, ով սպասարկել է 1986թ. Աշխարհի առաջնության քառորդ եզրափակչի Արգենտինա-Անգլիա հանդիպումը, հաղորդում է El Mundo Deportivo-ն:
«Հանգստյան օրերին ես Թունիսում էի: Մենք ունեցանք շատ հուզիչ հանդիպում: Ես ներողություն խնդրեցի Ալիից այն բանի համար, որ այն գոլը խփել էի ձեռքով»,- ասել է Մարադոնան:
Մեքսիկայի «Ացտեկա» մարզադաշտում կայացած Արգենտինա-Անգլիա հանդիպման ժամանակ Մարադոնան դարձել է 2 գոլերի հեղինակ, որոնցից մեկը նա խփել է ձեռքով: Հանդիպման ավարտից հետո Մարադոնան հայտարարել էր, որ դա «Աստծո ձեռքն» էր:
1986թ. Մեքսիկայում անցկացվող Մունդիալում Արգենտինան հաղթեց Գերմանիայի Ֆեդերատիվ Հանրապետության հավաքականին` 3:2 հաշվով, և դարձավ աշխարհի երկակի չեմպիոն:
Պատրաստեց Անի Գաբուզյանը
