ԱՄՆ-ի իշխանությունները Shell-ին թույլատրել են նավթ արդյունահանել Արկտիկայում
Նիդեռլանդա-բրիտանական նավթագազային Royal Dutch Shell ընկերությունն ամերիկյան իշխանություններից ստացել է վերջնական թույլտվություն հորատում իրականացնել Արկտիկայում:
Անվտանգության կանոնների խիստ պահպանման պայմաններում ընկերությանը թույլատրվել է հորատում իրանացնել Չուկոտյան ծովում՝ Ալյասկայի հյուսիսարևմտյան ափից 100 կմ հեռու:
ԱՄՆ կառավարության գնահատմամբ՝ Արկտիկայում է գտնվում նավթի ու բնական գազի չհետախուզված համաշխարհային պահուստների մոտ 20 տոկոսը, հիշեցնում է Reuters-ը:
Միևնույն ժամանակ, օգտակար հանածոների արդյունահանումը այդ շրջանում արժանացել է բնապահպանների բողոքին, քանի որ ցանկացած վթար կարող է աղետալի հետևանքներ ունենալ ու վնասել Արկտիկայի եզակի էկոհամակարգին:
