ՄԱԿ-ը կոչ է անում Ուկրաինայի կոնֆլիկտի երկու կողմերին դադարեցնել կրակը
ՄԱԿ-ի գլխավոր քարտուղար Պան Գի Մունը անհանգստություն է հայտնել՝ կապված Ուկրաինայում կոնֆլիկտի թեժացման առնչությամբ, որը հանգեցրել է Դոնբասում քաղաքացիական անձանց մահվան:
Պան Գի Մունը կոչ է արել կողմերին անհապաղ ձեռնարկել քայլեր՝ թուլացնելու ներկայիս լարված վիճակը ու կանխարգելել բռնությունը, որը դառնում է մարդկանց մահվան պատճառ: Այս մասին հայտնում է BBC-ի ռուսական ծառայությունը:
Նվազագույնը 10 մարդ է սպանվել երեկ ուկրաինացի զինվորականների ու Դոնբասի ինքնահռչակ հանրապետության զինված կողմնակիցների բախման հետևանքով: Ուկրաինացի զինվորականներն ու Դոնեցկի ու Լուգանսկի ինքնահռչակ հանրապետությունները դարձյալ միմյանց են մեղադրել կրակի դադարեցման ռեժիմը խախտելու մեջ:
Մարիուպոլի մերձակայքում գտնվող Սարտանա ավանի գնդակոծության հետևանքով սպանվել էր 2 քաղաքացիական անձ ու ևս 7-ը վիրավորվել էին, հայտնել էր Ուկրաինայի նախագահի ադմինիստրացիայի մամլո քարտուղար Անդրեյ Լիսենկոն
Նրա խոսքով՝ Ուկրաինայի արևելյան հատվածի անկախության կողմնակիցները գիշերը հաուբիցներով կրակի տակ էին վերցրել քաղաքը:
Դոնբասի ինքնահռչակ հանրապետության կողմնակիցները պնդում են, թե կրակի դադարեցման ռեժիմի խախտման մեղավորն ուկրաինական կողմն է:
