Չիկագոյի ավիաշոուի ժամանակ օդում երկու պարաշյուտիստների բախումն ավարտվել է ողբերգությամբ
Չիկագոյում անցած շաբաթ օրը անցկացվող ավիաշոուն մթագնվեց ողբերգությամբ՝ ցուցադրական ելույթի ժամանակ երկու պարաշյուտիստներ օդում բախվեցին, հայտնում է LifeNews-ը: Նրանցից մեկը ստացած վնասվածքներից ավելի ուշ մահացավ հիվանդանոցում:
Ինչպես հայտնում են ամերիկյան ԶԼՄ-ները, պարաշյուտիստների երկու թիմեր կատարում էին «ռումբի պայթյուն» տրյուկը: Այդ պահին Golden Knights թիմի անդամներից Քորի Գուդը բախվեց ռազմածովային ուժերի Leap Frogs թիմի անդամի հետ:
Դեպքից հետո Քորին ստիպված էր բացել երկրորդ պարաշյուտը, սակայն չկարողացավ հաջող վայրէջք կատարել ու ընկավ 10-րդ հարկի բարձրությունից:
Չնայած բժիշկների ջանքերին՝ կիրակի երեկոյան պարշյուտիստը մահացավ ստացած վնասվածքներից:
Երկրորդ տուժածը, ում անունը չի հաղորդվում, կոտրել էր ընդամենը ոտքը:
