Դատապարտյալներին բերված հանձնուքների՝ կիսագուլպայի և շաքարավազի միջից թմրանյութեր են հայտնաբերվել
«Արթիկ» քրեակատարողական հիմնարկի դատապարտյալին բերված հանձնուքի՝ կիսագուլպայի միջից թմրանյութեր են հայտնաբերվել: Այդ մասին տեղեկացնում է ՀՀ ԱՆ քրեակատարողական ծառայությանը:
Մասնավորապես, օգոստոսի 14-ին` ժամը 17:00-ի սահմաններում, ՀՀ ԱՆ «Արթիկ» քրեակատարողական հիմնարկի աշխատակիցները, իրացնելով ստացված օպերատիվ տվյալները, դատապարտյալ Վ. Մ.-ի անվամբ քաղաքացի Ս. Գ.-ի կողմից բերված հանձնուքում` կիսագուլպայի միջից, հայտնաբերել և առգրավել են պոլիէթիլենային թափանցիկ փաթեթ` 1,1 գրամ կանաչավուն զանգվածով:
Մեկ այլ դեպքով էլ նույն օրը` ժամը 16:30-ի սահմաններում, ՀՀ ԱՆ «Դատապարտյալների հիվանդանոց» քրեակատարողական հիմնարկի աշխատակիցները, օպերատիվ տվյալներն իրացնելով, դատապարտյալ Գ. Ա.-ի անվամբ քաղաքացի Ս. Մ.-ի կողմից բերված հանձնուքում` 700 գրամ շաքարավազի մեջ, հայտնաբերել են կասկածելի սպիտակ փոշենման զանգված: Հայտնաբերվածն առգրավվել է:
Վերոգրյալ զանգվածներն ուղարկվել են փորձաքննության:
Փաստերի առթիվ կատարվում է հետաքննություն:
