«Միլանը» հրաժարվել է «Զենիթի» կիսապաշտպան Ակսել Վիտսելի տրանսֆերից
«Զենիթի» չափազանց բարձր պահանջի հետևանքով «Միլանը» հրաժարվել է «Զենիթի» կիսապաշտպան Ակսել Վիտսելի տրանսֆերից:
«Միլանի» մարզական տնօրեն Ադրիանո Գալիանին հայտարարել է, որ իտալական ակումբը բանակցություններ չի վարում «Զենիթի» և Բելգիայի հավաքականի կիսապաշտպան Ակսել Վիտսելի տեղափոխության վերաբերյալ:
Տրանսֆերի մերժման պատճառ է դարձել «Զենիթի» չափից ավելի բարձրացրած պահանջը:
Վիտսելի փոխարեն՝ «Միլանը» պայմանավորվել է «Լիվերպուլի» հետ Լուկաս Լևիի տեղափոխության մասին: La Gazzetta dello Sport-ը տեղեկացնում է, որ բրազիլացի ֆուտբոլիստը վաղը կժամանի Միլան` իր գործակալ Կիա Ջուրաբչանի հետ:
Ավելի վաղ բելգիացու գոծակալ Ռիկարդո Նապոլիտանոն հայտարարել էր, որ «Զենիթը» ֆուտբոլիստին բաց կթողնի 30 մլն եվրոյով:
Պատրաստեց Անի Գաբուզյանը
