Բաղդադում ահաբեկիչները պայթեցրել են շուկան. զոհվել է 60 մարդ
Այսօր Բաղդադի Մադինատ-էս-Սադր արվարձանում ահաբեկիչները պայթեցրել են ականապատ բեռնատար ավտոմեքենա հենց ավտոմոբիլային շուկայում:
Դեպքի հետևանքով 60 մարդ տեղում մահացել է, ևս 200-ն ստացել են լուրջ վնասվածքներ: Դեպքի մանրամասները պարզվում են, հայտնում է Reuters-ը:
Դեռ հայտնի չէ, թե որ կազմակերպությունն է ստանձնել հարձակման պատասխանատվությունը:
Ներկայում Իրաքում իրավիճակը անկայուն է ԴԱԻՇ-ի գրոհայինների հարձակումների հետևանքով:
