Ստամբուլում բացվել է վերակառուցված Սուրբ Նշան հայկական եկեղեցին
Նախօրեին Ստամբուլ նահանգի Քարթալի շրջանում վերականգնումից հետո օծվել է ու վերաբացվել հայկական Սուրբ Նշան եկեղեցին:
Եկեղեցու վերականգնողական աշխատանքները տևել էին 2 տարի, դրանք իրականացվել են Քարթալի իշխանությունների ու տարբեր հիմնադրամների կողմից, հայտնում է haberaktuel.com կայքը:
Բացման արարողությանը ներկա են եղել Քարտալի քաղաքապետ Ալթընոք Օզը, քաղաքային խորհրդի անդամներ, Պոլսո պատրիարքարանի առաջնորդի փոխանորդ Արամ Աթեշյանը, տարբեր հիմնադրամների ներկայացուցիչներ, բազմաթիվ հյուրեր՝ ինչպես թուրքեր, այնպես էլ հայեր:
Կատարվել է եկեղեցական ծիսակարգ:
