Բասկետբոլ. հայտնի են Հայաստանի հավաքականի մրցակիցները
Արդեն տեղեկացրել էինք , որ 3×3 բասկետբոլի Հայաստանի մինչև 18 տարեկանների հավաքականը օգոստոսի 21-ից 23-ը հանդես է գալու Մինսկում կայանալիք Եվրոպայի առաջնության եզրափակիչ փուլում:
Հայաստանի բասկետբոլի ֆեդերացիայի ֆեյսբուքյան էջը հաղորդում է, որ Հայաստանի հավաքականը հայտնվել է Ա ենթախմբում, որտեղ մրցելու է Լիտվայի, Բելգիայի և Լատվիայի հավաքականների հետ:
Հիշեցնենք, որ Հայաստանի ընտրանուն հաջողվել է հաղթահարել ընտրական փուլի արգելքը և հայտնվել Եվրոպայի ուժեղագույն 16 հավաքականների շարքում:
Սիրարփի Աղաբաբյան
