Մեսսին Թուրանին առաջարկել է կրել 10 համարի մարզաշապիկը
«NTVSpor»-ը մեջբերել է կատալոնական «Բարսելոնայի» թուրք կիսապաշտպան Արդա Թուրանը խոսքերը, ով նշել է, որ հնարավորություն ուներ հանդես գալու 10 համարի խաղաշապիկով, որը պատկանում է արգենտինացի հարձակվող Լիոնել Մեսսիին։
«Երբ սկսեցի հանդես գալ Թուրքիայի հավաքականում, վերցրեցի 14 համարը, քանի որ իմ հայրը Կրուիֆի մեծ սիրահար է։ Իրականում, մարզաշապիկի համարն այն հարցը չէ, որը մեծ նշանակություն ունի ինձ համար։ Հունվարին կմտածեմ և որոշում կկայացնեմ այդ մասին։ Մեսսին ինձ ասաց, որ 10 համարի խաղաշապիկն իմը կլինի, եթե ցանկանամ այն»,- ասել է Թուրանը:
Սիրարփի Աղաբաբյան
