Ճաշատեսակներ, որոնք կարող են մահացու լինել
Կան այնպիսի «համադամ» կերակրատեսակներ, որոնք ամեն մարդ չի կարող փորձել: Այն ռեստորաններում, որտեղ մատուցվում են նմանատիպ կերակրատեսակները, մատուցողը զգուշացնում է դրանց հնարավոր մահացու լինելու մասին: Սակայն այսպիսի կերակրատեսակները մեծ պահանջարկ ունեն էքստրեմալների շրջանում: Այս մարդիկ մեծ գումարներ են վճարում սուր զգացողությունների համար: Մենք կներկայացնեք այն ճաշատեսակները, որոնք կարող են դառնալ վերջինը մարդու կյանքում:
1. Արջնագռավով կարկանդակ
Պետք է ասել, որ այս կարկանդակը լատվիական ազգային ճաշատեսակ է: Արջնագռավի մսով պատրաստված կարկանդակը, բնականաբար, ամեն օր չեն ուտում, սակայն յուրաքանչյուր լատվիական ընտանիքում տարին գոնե մեկ անգամ այն մատուցվում է: Ուտելով այս կարկանդակը, մեծ հավանականություն կա` վարակվելու տարբեր տեսակի հիվանդություններով:
2. Կասսավա
Այս բույսն ինչ-որ բանով նման է սովորական կարտոֆիլի, սակայն այն հում վիճակում չափազանց թունավոր է: Կասսավան աճում է Հարավային Ամերիկայում և աֆրիկյան երկրներում: Այստեղի մարդիկ արդեն վաղուց գիտեն, թե ինչպես այն ճիշտ օգտագործել: Օգտագործումից առաջ ամենակարևորը բույսի ճիշտ և մանրակրկիտ նախապատրաստումն է:
3. Հազարամյա ձվեր
Այս ճաշատեսակը տարածված է Ճապոնիայում: Անվանումն առաջացել է ոչ թե ձվերի տարիքից, այլ արտաքին տեսքից: Մարսողության համար վտանգավոր այս ճաշատեսակը պատրաստելու համար անհրաժեշտ են բադի ձվեր: Սկզբում դրանց վրա աղ են ցանում, այնուհետև հարյուր օր պահում են մոխրի մեջ: Դրանից հետո ձվերը պատրաստ են օգտագործման համար, որոնց՝ մարդկանց թունավորելու հավանականությունը շատ մեծ է:
4. Կապիկի ուղեղ
Այս «համադամը» կարելի է գտնել Կամբոջայի շուկաներում: Եղել են շատ դեպքեր, երբ կապիկի ուղեղն ուտելուց հետո մարդիկ վարակվել են «Կովային կատաղությունով»:
5. Կասու Մարցու
Արգելված պանիր, որը, սակայն, գաղտնի արտադրվում է Սարդինիայում: Այս «համադամ» պանիրը մինչև օգտագործելը շատ երկար ժամանակ մնում է արևի
տակ, որում բազմաթիվ բներ են դնում ճանճի թրթուրները` հաղորդելով վերջինիս յուրահատուկ հոտ և նեխած համ:
6. Կենդանի ութոտնուկ
Այս ճաշատեսակը լայն տարածում ունի Հարավային Կորեայում: Հետաքրքիրն այն է, որ ութոտնուկները մատուցվում են կենդանի վիճակում, և հավանականությունը մեծ է` խեղդվել այն ուտելիս: Հարավային Կորեայում ամեն տարի բազմաթիվ մարդիկ են խեղդվում այս «համադամ» ճաշատեսակն ըմբոշխնելիս:
7. Ապուր թռչող մկներից
Ասիական խոհանոցում շատ տարածված հավի արգանակ` ամբողջական թռչող մկով: Այս ապուրի սիրահարները հավատացնում են, որ այն ոչ միայն հագեցնող է, այլև շատ համեղ: Սակայն այս ապուրից նույնպես մեծ է տարբեր հիվանդություններով վարակվելու հավանականությունը:
8. Էսկամոլես
Այս կերակրատեսակը կարելի է փորձել Մեքսիկայում: Էսկամոլեսը մեծ սև մրջյունների ձվերն են: Այստեղ վտանգավորը ոչ թե ձվերը ճաշակելն է, այլ հավաքելը: Սև մեծ մրջյունի խայթոցը հիմնականում ավարտվում է մահվան ելքով:
9. Կարամբոլա
Այս միրգն իր մեջ շատ մեծ քանակությամբ թրթնջկաթթու է պարունակում, որը կարող է մահացու լինել երիկամների պրոբլեմներ ունեցող մարդկանց համար:
10. Ձուկ Ֆուգու
Ճապոնիայում այս ձկից պատրաստված ճաշատեսակը համարվում է յուրահատուկ «համադամ»: Այս ձկան ձկնկիթը և լյարդը մահացու թույն են պարունակում: Այս ճաշատեսակը պատրաստում են հատուկ լիցենզիա ունեցող խոհարարները: Ճաշատեսակը համարվում է հաջող պատրաստված, երբ թույնը մի քանի վայրկյանով պարալիզացնում է մարդուն:
11. Կոպալխեն
Այս ճաշատեսակը ստեղծել են էսկիմոսները: Այն պատրաստելու համար ամենահարմարը եղնիկի միսն է: Պատրաստման համար ընտրում են ամենածեր եղնիկին, կապում են նրան, մի քանի օր չեն կերակրում, որից հետո խեղդում են և թաղում ճահճի մեջ: Մի քանի ամիս հետո հանում են միսը և մատուցում: Այս միսն իր մեջ պարունակում է դիակային թույն, որը կարող է մահացու լինել:
Պատրաստեց Անի Գաբուզյանը