Պաշտոնական. Մոհամեդ Սալախը դարձավ «Ռոմայի» ֆուտբոլիստ
«Ֆիորենտինայի» նախկին ֆուտբոլիստը վերադարձավ Սերիա Ա: Հինգշաբթի «Չելսին» և «Ռոման» հաստատեցին Սալախի տրանսֆերը հռոմեական ակումբում: Ֆուտբոլիստը 2015-16թթ. մրցաշրջանը վարձակալության իրավունքով կանցկացնի «Ռոմայի» շարքերում: Գործարքը ներառում է նաև հաջորդ ամառ ֆուտբոլիստին գնելու հնարավորությունը: Այդ դեպքում ուժի մեջ կմտնի նրա 4-ամյա պայմանագիրն ակումբի հետ:
Սալախը «Չելսի» էր տեղափոխվել 2013-14թթ. մրցաշրջանի միջնամասում և Լոնդոնում անցկացրել էր 1 տարի:
Նախորդ մրցաշրջանի երկրորդ կեսը ֆուտբոլիստն անցկացրել է «Ֆիորենտինայում»` 26 խաղերում խփելով 9 գնդակ:
Պատրաստեց Անի Գաբուզյանը
