Գերմանիայի գլխավոր դատախազը սկանդալի ֆոնին հեռացվել է աշխատանքից
Գերմանիային արդարադատության նախարար Հեյկո Մաասը աշխատանքից ազատել է երկրի դատախազ Հարալդ Ռանգեին, որը մեղադրում էր կառավարությանը պետական դավաճանության մասին գործի հետաքննությանը միջամտելու մեջ: Այս մասին հայտնում է BBC-ի ռուսական ծառայությունը:
Ինչպես հայտարարել է Մաասը, Ռանգեի նկատմամբ վստահությունը ամբողջությամբ ի չիք է դարձել: Նրա խոսքով՝ երկրի գլխավոր դատախազի ձեռնարկած քայլերը անընդունելի են ու ստեղծում են հասարակության շրջանում տեղի ունեցող իրադարձությունների մասին սխալ պատկերացում:
Անցած շաբաթ Ռանգեն հրամայել էր հետաքննություն սկսել Netzpolitik.org կայքի լրագրողների նկատմամբ՝ կապված պետական գաղտնիքի հրապարակման ու պետական գաղտնիքի հրապարակման կասկածանքով:
Հ
ետաքննությունը կասեցվել էր, իսկ Ռանգեն հայտարարել էր, թե իրեն հարկավոր են անկախ փորձագետների կարծիքները այն մասին՝ կարելի՞ է արդյոք համարել Netzpolitik.org-ում սկանդալային նյութը պետական գաղտնիքի հրապարակում:
Ռանգեի խոսքով՝ գլխավոր դատախազությունը անմիջականորեն է ստացել գործին ընթացք չտալու հրաման: Նախօրեին գլխավոր դատախազը մեղադրել էր կառավարությանը նրանում, որ վերջինս գործողություններով խախտել է անկախ դատական համակարգի սկզբունքը:
Ավելի վաղ Netzpolitik.org-ը հրապարակել էր գաղտնի նյութեր, որոնք վկայում էին Սահմանադրության պահպանության դաշնային ծառայության (BFV, գերմանական հակահետախուզություն) պլանների՝ համացանցում վերահսկողությունը ընդլայնելու մասին
