Թբիլիսիում երթուղային տաքսիների վարորդները գործադուլ են հայտարարել
Թբիլիսիում երթուղային տաքսիների վարորդների մի մասը գործադուլ է հայտարարել: Վարորդները հավաքվել են «Թբիլիսյան միկրոավտոբուսի» շենքի մոտ, որտեղ, ըստ վարորդների տեղեկությունների, մոբիլիազացվել են նաև ոստիկանական ուժերը: Այս մասին հայտնում է «Գրուզիա օնլայնը»:
«Թբիլիսյան միկրոավտոբուսի» ներկայացուցիչները, ենթադրաբար, պատրաստ են երկխոսություն սկսել վարորդների հետ, ու այսօր ակնկալվում է վարորդների հետ հանդիպում: Դրանից հետո կորոշվի՝ արդյոք կշարունակե՞ն վարորդները իրենց գործադուլը, թե՞ ոչ:
Վարորդները պահանջում են «Թբիլիսյան միկրոավտոբուսից» նվազեցնել իրենց ամենօրյա վճարները:
Այսօր աշխատանքի դուրս չեն եկել նաև Դիդի Դիգոմիի, Գլդանի, Վազիսունանիի երթուղային տաքսիները:
Նրանց միացել են նաև այլ երթուղային գծերի վարորդները:
