Ստեփանակերտում օնկո-դիսպանսերի համար նախատեսված շենք է կառուցվում
Հանրապետական բժշկական կենտրոնի հարևանությամբ ամիսներ առաջ սկսվել է օնկո-դիսպանսերի համար նախատեսված շենքի կառուցումը:
ԼՂՀ քաղաքաշինության նախարարության մամլո ծառայության փոխանցմամբ՝ նախագծի համաձայն, շինությունը լինելու է եռահարկ, իսկ նկուղային հարկը նախատեսված է հոսպիտալի հիվանդասենյակների համար: Օնկո-դիսպանսերը կառուցվում է ժամանակակից լուծումներով, իսկ որակով կհամապատասխանի ժամանակակից շինարարական չափորոշիչներին:
Աղբյուրի հաղորդմամբ, ներկայումս տարվում են շինության հիմքի կառուցման աշխատանքները: Ավարտվել են շինարարության հողային աշխատանքներ, առաջիկայում կմեկնարկեն բետոնային աշխատանքները: Այն կառուցվում է «Հայաստան» համահայկական հիմնադրամի և ԼՂՀ կառավարության համաֆինանսավորմամբ: Աշխատանքներն իրականացնում է «Պանտ» ՍՊԸ-ն:
