«Ինտերպոլը» հրաժարվել է միջազգային հետախուզում հայտարարել Սաակաշվիլիի նկատմամբ
«Ինտերպոլը» հրաժարվել է Վրաստանի իշխանությունների պահանջով միջազգային հետախուզում հայտարարել Վրաստանի նախկին նախագահ Միխայիլ Սաակաշվիլիի նկատմամբ:
Այս մասին այսօր հայտնել է Վրաստանի դատախազությունը, տեղեկացնում է BBC-ի ռուսական ծառայությունը: Դատախազությունը հայտարարել է, որ մտադիր է դարձյալ դիմել «Ինտերպոլին» նման հարցմամբ:
Հիշեցնենք, որ Վրաստանի նախկին նախագահը միանգամից մի քանի քրեական գործի ֆիգուրանտ է: Մասնավորապես, նրան մեղադրում են բյուջետային միջոցները վատնելու ու լիազորությունները չարաշահելու մեջ:
Սաակաշվիլին իրեն առաջադրված մեղադրանքները անհիմն է համարում:
