Թուրքիայի իշխանությունները վերջին անգամ կփորձեն կառավարություն ձևավորել ընդդիմադիր կուսակցության հետ
Թուրքիայի «Արդարություն և զարգացում» կուսակցությունը կձեռնարկի վերջին փորձը՝ ձևավորել կոալիցիոն կառավարություն «Ազգային շարժում» կուսակցության հետ: Այս մասին հայտնում է Anadolu գործակալությունը՝ հղում կատարելով Թուրքիայի ԵՄ հարցերով նախարար Վոլկան Բոզկիրին:
Նրա խոսքով՝ եթե «Արդարություն և զարգացում» կուսակցությունը ու Ժողովրդահանրապետական կուսակցությունը չկարողանան համաձայնության գալ կոալիցիոն կառավարության ձևավորման հարցում, ապա «Արդարություն և զարգացում» կուսակցությունը վերջին անգամ կդիմի «Ազգային շարժում» կուսակցությանը:
Ավելի վաղ Թուրքայի նախագահ Ռեջեփ Թայիփ Էրդողանը հայտնել էր, որ Թուրքիայում ամեն օր ավելի է նվազում կոալիցիոն կառավարություն ձևավորելու հնարավորությունը:
Նրա խոսքով՝ բացառված չէ, որ Թուրքիայում կարող են անցկացվել արտահերթ խորհրդարանական ընտրություններ:
