Թուրքիայում քրեական գործ է հարուցվել քրդամետ կուսակցության առաջնորդ Սելահաթթին Դեմիրթաշի դեմ
Թուրքիայում քրեական գործ է հարուցվել քրդամետ «Ժողովուրդների դեմոկրատիա» կուսակցության առաջնորդ Սելահաթթին Դեմիրթաշի դեմ, հայտնում է TASS-ը:
Հաղորդվում է, որ Դեմիրթաշին մեղադրում են 2014թ. դեկտեմբերին «զինված բախումներ հրահրելու մեջ»: Նրան կարող է սպառնալ մինչև 24 տարվա ազատազրկում:
Հիշեցնենք, որ վերջին օրերին թուրքական բանակը անցկացրել է հատուկ օպերացիաներ «Քրդստանի աշխատավորական» կուսակցության (PKK) դեմ: Իրաքի հյուսիսում թուրքական ավիացիան տասնյակ հարվածներ էր հասցրել PKK-ի ռազմավարական օբյեկտներին:
