PKK-ի զինյալները փորձել են պայթեցնել Էրզրումից Կարս ընթացող գնացքը
«Քրդստանի աշխատավորական» կուսակցության (PKK) զինյալները փորձել են հեռակառավարմամբ գործող ռումբ տեղադրել Էրզրումից Կարս ընթացող ապրանքային գնացքի ռելսերի տակ, սակայն գնացքին հաջողվել է տվյալ հատվածն առանց վնասվելու հատել:
Պայթյունից հետո քուրդ զինյալները կրակ են բացել երկաթուղայինների ուղղությամբ, ովքեր փորձել են վերականգնել վնասված երկաթգիծը, հայտնում է Anadolu գործակալությունը:
Հրաձգության հետևանքով մեկ աշխատակից սպանվել է, անվտանգության ծառայության մեկ այլ աշխատակից վնասվածք է ստացել ու տեղափոխվել է տեղի հիվանդանոցներից մեկը:
Հիշեցնենք, որ երեկ «Քրդստանի աշխատավորական» կուսակցության անդամները Բինգյոլի նահանգում վնասել էին նաև Անկարա-Թեհրան երկաթգիծը։
