Թուրքական ավիացիան հարվածներ է հասցրել Իրաքում քուրդ զինյալների դիրքերին
Թուրքական ռազմաօդային ուժերը Իրաքի հյուսիսում ավիահարված են հասցրել «Քրդստանի աշխատավորական» կուսակցության (PKK) զինյալների ճամբարներին, հայտնում է BBC-ի ռուսական ծառայությունը:
Օդից ռմբակոծումը ուղեկցվել է թուրքական տարածքից հրանոթային կրակով:
Միաժամանակ, թուրքական զորքերը ցամաքային օպերացիա են անցկացրել Սիրիայի հյուսիսում ինչպես քուրդ ապստամբների, այնպես էլ ԴԱԻՇ-ի զինյալների դեմ, հայտնել է Թուրքիայի վարչապետի մամլո ծառայությունը:
Թուրքական բանակը Իրաքի հյուսիսում քրդերի դիրքրերը գրոհում է 2013 թվականից ի վեր առաջին անգամ, երբ Անկարան ու քուրդ անջատողականները հայտարարեցին կրակի դադարեցման մասին:
Հիշեցնենք, որ «Քրդստանի աշխատավորական» կուսակցությունը իր վրա էր թուրք ոստիկանների վրա հարձակման պատասխանատվությունը:
