Թուրքիայի հարավ-արևելքում ոստիկանների սպանության փաստով 3 մարդ է ձերբակալվել
Ձերբակալվել են Թուրքիայի հարավ-արևելքում գտնվող Շանլիուրֆա նահանգի Ջեյլանպինար քաղաքում երկու ոստիկանի սպանության մեջ կասկածվողները:
Այսօր քաղաքի մի քանի հասցեներում խուզարկություններ են կատարվել, 3 մարդ ձերբակալվել է:
Ոստիկանությունն ուսումնասիրում է խուզարկության ժամանակ առգրավված փաստաթղթերը, որոնք կարող են մատնանշել նրանց առնչությունը Թուրքիայում արգելված Քրդստանի աշխատավորական կուսակցությանը, հայտնում է Anadolu գործակալությունը:
Հիշեցնենք, որ նախօրեին 2 ոստիկանները գնդակահարվել էին իրենց տներում:
Հանցագործության պատասխանատվություն իր վրա է վերցրել Քրդստանի աշխատավորական կուսակցությանը, որը ոստիկանների սպանությունները համարել է «վրեժխնդրություն» Սուրուչի ահաբեկչության համար, քանի որ սպանված ոստիկանները իբրև համագործակցել են ԴԱԻՇ-ի հետ:
