Մոգերինին հուլիսի 28-ին կայցելի Իրան
ԵՄ դիվանագիտության ղեկավար Ֆեդերիկա Մոգերինին հուլիսի 27-ին և հուլիսի 28-ին կայցելի Սաուդյան Արաբիա ու Իրան: Թեհրանում նա կքննարկի ատոմի հարցով համաձայնագրի կանքի կոչելուն վերաբերող հարցեր, ասվում է Եվրոպական արտաքին քաղաքական ծառայության կոմյունիկեում:
Հուլիսի 27-ին Սաուդյան Արաբիա այցի ընթացքում Մոգերինին կհանդիպի թագավորության իշխանությունների, ներառյալ՝ Սաուդյան Արաբիայի արտգործնախարար Ադիլ ալ-Ջուբեյրայի հետ: Նշվում է, որ նրանք կքննարկեն երկկողմ, ինչպես նաև տարածաշրջանային հարցեր:
Հուլիսի 28-ին Ֆեդերիկա Մոգերինին կուղևորվի Իրան:
«Այցը հնարավորություն կտա մտքեր փոխանակել համաձայնագրի իրականացման վերաբերյալ, որում դիվանագիտության ղեկավար Մոգերինին պետք է ունենա կոորդինացնող դեր, ինչպես նաև կքննարկվեն տարածաժրջանային ու երկողմ հարցեր»,-ասվում է կոմյունիկեում:
Մոգերինին Իրանում կհանդիպի Իրանի արտգործնախարար Մուհամմեդ Ջավադ Զարիֆի, ինչպես նաև Իրանի ղեկավար մարմինների հետ:
