Ադրբեջանի գլխավոր դատախազությունը քրեական գործ է հարուցել Ստերլիգովի դեմ
Ադրբեջանի գլխավոր դատախազությունը քրեական գործ է հարուցել ռուս միլիոնատեր Գերման Ստերլիգովի դեմ, հայտնում է ադրբեջանական APA գործակալությունը:
Գործակալությունը հայտնում է, որ այդ մասին տեղեկությունը տարածել են Ադրբեջանի ԱԳՆ-ն ու երկրի գլխավոր դատախազությունը:
Քրեական գործ է հարուցելու պատճառների թվում նշվում է այն, որ Գերման Ստերլիգովն ու նրա ընտանիքի անդամները, «հանցավոր դավադրության մեջ են մտել Հայաստանի կողմից օկուպացված ադրբեջանական տարածքներում ապրողների հետ, կոպտորեն խախտել են «Ադրբեջանի Հանրապետության պետական սահմանի մասին», «Անձնագրերի մասին» օրենքները»:
