Քուրդ հայտնի երգչուհին հայտնվել է ԴԱԻՇ-ի «մահվան ցուցակում»
ԱՄՆ-ում բնակվող ծագումով քուրդ երգչուհի Հելլի Լավը (Հելեն Աբդուլլահ) նոր տեսահոլովակ է թողարկել, որը կոչվում է Revolution: Երգն ընկալվել է որպես ստեղծագործություն՝ ուղղված ԴԱԻՇ-ի գաղափարախոսության դեմ:
Ներկայում երգչուհին պարբերաբար հաշվեհարդարի սպառնալիքներ է ստանում ու անգամ հայտնվել է ԴԱԻՇ-ի «մահվան ցուցակում», հայտնում է ֆիննական Iltalehti պարբերականը:
Հելլի Լավը Պարսից ծոցում պատերազմից հետո ընտանիքի հետ մեկնել էր Ֆինլանդիա, այնուհետև տեղափոխվել ԱՄՆ՝ երաժշտական բիզնեսում իր բախտը փորձելու համար:
2014 թվականին նա թողարկել էր Risk It All սինգլը՝ Քրդստանի անկախության, իսկ 2015-ին՝ ԴԱԻՇ-ի դեմ քրդերի պայքարի մասին:
