Չեչնիայում ՃՏՊ-ի հետևանքով 10 մարդ է մահացել
Չեչնիայի Վեդենսկի շրջանում ուղևորատար «Գազելի»՝ անդունդը գլորվելու հետևանքով զոհերի թիվը հասել է 10-ի, հայտնում է Interfax-ը:
«Տվյալների համաձայն՝ զոհերի թիվը հասել է մինչև 10 մարդու, ևս 8 մարդ տուժել է, այդ թվում՝ 2-ամյա մի երեխա»,-ասել է գործակալության զրուցակիցը: 6 մարդու առողջական վիճակը գնահատվում է որպես կայուն-ծանր:
Ինչպես գործակալությանը հայտնել է իրավապահ մարմիններում աղբյուրը, ՃՏՊ-ի պատճառն այն է, որ վարորդը չի կարողացել լեռնային ճանապարհին մեքենան ղեկավարել:
Հիշեցնենք, որ երեկ՝ Երևանի ժամանակով ժ. 20:20-ին, Վեդենսկու շրջանում ուղևորատար մեքենան գլորվել էր 200 մետր խորությամբ անդունդը:
