ԵԱՀԿ-ն վաղը հերթական մոնիթորինգը կանցկացնի հայ-ադրբեջանական զորքերի շփման գծում
Վաղը՝ հուլիսի 22-ին, ԵԱՀԿ գործող նախագահի անձնական մանդատին համապատասխան, պլանավորվում է հերթական մոնիթորինգն անցկացնել հայ-ադրբեջանական զորքերի շփման գծում՝ Ադրբեջանի Տերտերի շրջանի տարածքում:
Այս մասին հայտնում է Trend գործակալությունը՝ հղում կատարելով Ադրբեջանի պաշտպանության նախարարության այսօր տարածած հաղորդագրությանը:
Ադրբեջանի կողմից մոնիթորինգը կիրականացնեն ԵԱՀԿ գործող նախագահի անձնական ներկայացուցչի դաշտային օգնականներ Եվգենի Շարովն ու Սայմոն Թիլլերը:
Հայաստանի կողմից շփման գծի մշտադիտարկում կիրականացնեն ԵԱՀԿ գործող նախագահի անձնական ներկայացուցչի դաշտային օգնականներ Խրիստո Խրիստովն ու Իրժի Աբերլեն:
