Ավետարանոցում ավարտին է մոտենում նախադպրոցական շենքի կառուցման աշխատանքները
ԼՂՀ Ասկերանի շրջանի Ավետարանոց համայնքում նոր մանկապարտեզ է կառուցվում:
ԼՂՀ քաղաքաշինության նախարարության մամլո ծառայության փոխանցմամբ՝ նախադպրոցական հաստատությունը 50 տեղանոց է և ունի կոմունալ բոլոր հարմարությունները:
Շինարարությունն ավարտման փուլում է. կատարվել են ներքին ու արտաքին հարդարման, տարածքի բարեկարգման աշխատանքները:
Բակում տեղադրվել են տաղավարներ ու բացօթյա խաղասրահ: Աղբյուրի հաղորդմամբ՝ մանկապարտեզը կառուցվում է ԼՂՀ պետական բյուջեի միջոցներով, կապալառուն՝ «Խաչեն» ՓԲԸ-ն է: Մանկապարտեզը շահագործման կհանձնվի ընթացիկ տարում:
