Բելառուսում նախագահի պաշտոնին առաջադրվել է 14 թեկնածու
Բելառուսի Կենտրոնական ընտրական հանձնաժողովը (ԿԸՀ) երեկ ավարտել է երկրի նախագահի թեկնածուների փաստաթղթերի ընդունումը: Ինչպես հայտնում է Interfax-ը, անհրաժեշտ փաստաթղթեր է ներկայացրել 14 թեկնածու:
Բելառուսի ԿԸՀ-ն փաստաթղթեր է ընդունել երկրի ներկայիս նախագահ Ալեքսանդր Լուկաշենկոյից, Բելառուսի «Արդար աշխարհ» կուսակցության նախագահ Սերգեյ Կալյակինից, Լիբերալ-դեմոկրատական կուսակցության նախագահ Սերգեյ Գայդուկևիչից, գործարար Անդրեյ Կոնովցովից ու մի շարք այլ թեկնածուներից:
Լուկաշենկոյի, Գայդուկևիչի ու Կալյակինի խմբերն արդեն գրանցվել են, ասված է Բելառուսի ԿՀԸ-ի կայքում:
Մյուսների գրանցման մասին որոշումը կկայացվի հուլիսի 20-ին:
Բելառուսի նախագահական ընտրությունները տեղի են ունենալու հոկտեմբերի 11-ին:
