Իրանը միջազգային քաղաքականության հարցում չի համագործակցի ԱՄՆ-ի հետ. այաթոլլա Ալի Խամենեի
Իրանը չի համագործակցի ԱՄՆ-ի հետ միջազգային քաղաքականության հարցում, իսկ մասնակցությունը միջուկային ծրագրի բանակցությունների հարցում բացառիկ էր, հայտարարել է Իրանի հոգևոր առաջնորդ այաթոլլա Ալի Խամենեին:
Ինչպես հայտնում է BBC-ի ռուսական ծառայությունը, Խամենեին հանդես է եկել տոնական հեռուստաուղերձով՝ նվիրված մուսուլմանների համար սրբազան Ռամադան ամսվա վերջանալուն:
Նա ընդգծել է, որ Իրանը նախկինի պես պատրաստ է հակահարված տալ «ինքնահավան» Միացյալ Նահանգներին, եթե վերջինս ագրեսիա դրսևորի: «Իրանը չի ցանկանում պատերազմ, սակայն եթե դա տեղի ունենա, խախտողը՝ ԱՄՆ-ը, կստորացվի»,-հայտարարել է Խամենեին:
Վերջինս ընդգծել է, որ անկախ Իրանի միջուկային ծրագրի վերաբերյալ կնքված համաձայնագրից, իր երկիրը շարունակելու է աջակցել Սիրիային ու Իրաքին, պաղեստինցիներին, «Եմենի ու Բահրեյնի ճնշված ժողովուրդներին»:
