Վիեննայի համաձայնագիրը կարևոր նշանակություն ունի թուրք-իրանական հարաբերությունների լավացման համար. Իրանի նախագահ
Վիեննայի համաձայնագիրը կարևոր նշանակություն ունի թուրք-իրանական հարաբերությունների լավացման համար, ասել է Իրանի նախագահ Հասան Ռոուհանին Թուրքիայի նախագահ Ռեջեփ Թայիփ Էրդողանի հետ հեռախոսազրույցի ժամանակ:
Այս մասին հայտնում է IRNA գործակալությունը:
«Այդ համաձայնագիրը կազդի Իրանի ու հարևան երկրների, հատկապես Թուրքիայի հետ հարաբերությունների վրա»,-ասել է Ռոուհանին:
Նրա խոսքով՝ հարկավոր է ամրապնդել երկկողմ հարաբերությունները՝ պայքարելու ահաբեկչության դեմ ու դիմակայելու տարածաշրջանում ահաբեկչության խնդիրներին:
Էրդողանն ասել է, որ պատրաստ է Իրանի հետ համագործակցության տարածաշրջանային հարցերով, նշել է Էրդողանը:
