Շվեդիայի վարչապետը Եթվպիայից Ստոկհոլմ ժամանելուն պես հիվանդանոց է տեղափոխվել
Շվեդիայի վարչապետ Ստեփան Լևենը այսօր Եթվպիայից Ստոկհոլմ վայրէջք կատարելուց անմիջապես հետո հիվանդանոցում է հայտնվել, հայտնում է The Local-ը:
Շվեդիայի կառավարության 58-ամյա ղեկավարին հիվանդանոց են տեղափոխել ուժեղ սրտխառնոցի ու գլխապտույտի ախտանշաններով:
Ստեփան Լևենի մամլո քարտուղար Աննե Էկբերգը հաստատել է այդ տեղեկությունը, սակայն ավելի ուշ հայտնել է, որ նա հետազոտությունից հետո դուրս է գրվել հիվանդանոցից ու գնացել է տուն:
Ինչպես բացատրել է Էկբերգը, Շվեդիայի կառավարության ղեկավարի ինքնազգացողությունը վատացել է օդանավակայանում՝ հերքելով տեղեկությունները, թե վերջինս հիվանդացել է Եթովպիայում ու ստիպված է եղել հիվանդության պատճառով կրճատել իր այցն այդ աֆրիկյան երկրում:
