Ջորջ Բուշ-Ավագը կոտրել է պարանոցի ողը
ԱՄՆ նախկին նախագահ Ջորջ Բուշ-Ավագին հիվանդանոց են տեղափոխել, քանի որ վերջինս ընկել ու կոտրել է պարանոցի ողը: Վերջինիս կյանքին վտանգ չի սպառնում, հայտնել է նրա մամլո քարտուղար Ջիմ Մակգրատը:
«Նրա վիճակը կայուն է, նրա հետ ամեն ինչ նորմալ է, սակայն նա պետք է կրի կորսետ»,-գրել է Մակգրատը Twitter-ում:
Ինչպես հայտնում է CNN-ը, Բուշն ընկել է երեկ առավոտյան Մեն նահանգի իր տանը ու ներկայում բուժում է ստանում Պորտլենդի հիվանդանոցում:
«Մենք չենք կարծում, թե նա հիվանդանոցում երկար կմնա»,-ասել է Ջորջ Բուշ-Ավագին մամլո քարտուղարը:
91-ամյա Ջորջ Բուշ-Ավագը Միացյալ Նահանգները ղեկավարել է 1989-1993թթ.:
