Ջոնի Դեփի կինը շների պատճառով դատարան է հրավիրվել
Ամերիկացի դերասան Ջոնի Դեփի կինը՝ դերասանուհի Էմբեր Հերդը, Ավստրալիայի դատարան է հրավիրվել այս տարվա մայիսին երկիր երկու շների անօրինական կերպով բերելու համար:
Ավելի վաղ ավստրալական իշխանությունները սպառնացել էին քնեցնել երկու յորքշիրյան տերիերներին, եթե կենդանիները հետ չուղարկվեն ԱՄՆ:
Մայիսի կեսին Ավստրալիայի գյուղատնտեսության նախարար Բարնաբի Ջոյսը BBC-ին տված հարցազրույցում հայտարարել էր, թե Դեփը պատրաստվում է երկրից դուրս բերել երկու շների, որոնք սանիտարական վերահսկողություն չէին անցել մուտք գործելիս:
Ավստրալացի նախարարի խոսքով՝ դերասանը կենդանիներին անօրինական կերպով է բերել երկիր:
Ապրիլի 21-ին տերիերներ Պիստոլն ու Բուն Դեփի հետ ԱՄՆ-ից ժամանել էին նրա մասնավոր ինքնաթիռով ու չէին անցել պարտադիր անասնաբուժական վերահսկողություն:
