Պաշտոնական. Ռահիմ Ստեռլինգը «Մանչեսթեր Սիթիի» ֆուտբոլիստ է
«Լիվերպուլն» իր պաշտոնական կայքի միջոցով հայտնել է, որ թիմի կիսապաշտպան Ռահիմ Սթեռլինգը տեղափոխվել է անգլիական մեկ այլ թիմ ՝ «Մանչեսթեր Սիթի»: 20-ամյա ֆուտբոլիստը 5 տարվա պայմանագիր է կնքել «Մանչեսթեր Սիթիի» հետ: Ֆուտբոլիստը նոր ակումբում հանդես կգա 7 համարի մարզաշապիկով:
Պաշտոնապես տրանսֆերի արժեքը չի նշվում, բայց «Մանչեսթեր Սիթիի» մամուլի քարտուղարությունն այն ակումբի պատմության համար ռեկորդային է համարում: Ոչ պաշտոնական աղբյուրները տեղեկացնում են, որ Ստեռլինգը տեղափոխվել է 49 միլիոն ֆունտ ստեռլինգի դիմաց:
Սթեռլինգը «Լիվերպուլի» սան է, մրցաշարերը միասին վերցված՝ նա մասնակցել է 129 հանդիպման և դարձել է 23 գոլի հեղինակ:
Սիրարփի Աղաբաբյան
