«Սևիլիան» վարձակալել է Չիրո Իմոբիլեին, «Լիվերպուլն» ընկել է Չերիշևի հետևից. տրանսֆերային նորություններ
«Լիվերպուլը» նշանի տակ է առել Չերիշևին:
«Ռեալ Մադրիդի» կիսապաշտպանը, ով մեկնելու է մադրիդցիների հետ Ավստրալիա` նախամրցաշրջանային խաղերի, շատ է հետաքրքրում «Լիվերպուլին»:
Sunday People-ի տեղեկության համաձայն՝ «մերսիսայդցիները» պատրաստ են Ռուսաստանի հավաքականի ֆուտբոլիստի համար վճարել 30 մլն եվրո:
«Սևիլիան» վարձակալել է Չիրո Իմոբիլեին:
Իտալացին լքեց Դորտմունդը: Ավելի վաղ հաստատվել էր 13 մլն եվրոյով Իմոբիլեի` «Սևիլիա» տեղափոխվելու տրանսֆերը, բայց ակումբները ձևակերպեցին 1-ամյա վարձակալության պայմանագիր:
Չիրոն լքել է «Բորուսիան» և ուղևորվել է Նեապոլ` նոր ակումբում բուժզննությունն անցնելու համար:
Զլատանը մնում է «ՊՍԺ»-ում:
Լորան Բլանը հայտարարել է, որ ակումբը հետաքրքրված է Անխել Դի Մարիայի ծառայություններով, ինչպես նաև հերքել է` Զլատան Իբրահիմովիչի հեռանալու մասին տեղեկությունները:
Ջեկոն մեկ ոտքով «Ռոմայում» է:
Ավելի վաղ Էդին Ջեկոն պայմանավորվել էր իտալացիների հետ` հնգամյա պայմանագրի մասին, ըստ որի՝ նա պետք է 1 մլն ավելի քիչ աշխատավարձ ստանար, քան «Մանչեսթեր Սիթիում»: «Քաղաքայինները» մտադրված էին բոսնիացուն վաճառել 20 մլն եվրոյով, սակայն հռոմեացիներն առաջարկել էին երկու անգամ պակաս գումար:
Բանակցությունների նոր փուլում իտալացիները համաձայնել են վճարել 15 մլն եվրո, որը կարող է ձեռք տալ «Մանչեսթեր Սիթիին»:
Ռահին Սթերլինգը «Լիվերպուլից» տեղափոխվեց «Մանչեսթեր Սիթի»:
Հայտնի ֆուտբոլային գործակալ Մուզի Օսկանը հայտարարել է, որ Սթերլինգի տրանսֆերի հարցը կարելի է համարել լուծված: Գործարքը «Մանչեսթեր Սիթիի» վրա կնստի մոտ 60 մլն եվրո:
«Գործն արված է: Շնորհավորանքներ «Մանչեսթեր Սիթիին»:
Անցած գիշեր ես արել եմ շատ պարզ հայտարարություն այն մասին, որ Սթերլինգի տրանսֆերը լուծված գործ է: Հաջողություն եմ ցանկանում երկու կողմերին»:
Կիրակի Սթերլինգը «Լիվերպուլի» հետ չի մեկնել նախամրցաշրջանային խաղերին:
Պատրաստեց Անի Գաբուզյանը
