Քաղցկեղից մահացել է Nintendo ընկերության նախագահը
Կյանքի 56-րդ տարում մահացել է DS ու Wii հավելվածները շուկայի առաջատար դարձրած Nintendo ընկերության ղեկավար Սատորու Իվատան:
Նրա մահվան պատճառը եղել է քաղցկեղը, ասվում է այսօր ընկերության կայքում հրապարակված հաղորդագրությունում:
Իվատայի մահից հետո ընկերությունը ղեկավարելու են տնօրենի ներկայացուցիչ Գենյո Տակեդան ու Super Mario Bros խաղի հիմնադիր Սիգերու Միյամոտոն:
Իվատան Nintendo էր եկել 2000 թվականին, իսկ 2 տարի անց նա ղեկավարեց ընկերությունը: Մասնագիտությամբ ծրագրավորող Իվատան Nintendo-ի 126-ամյա պատմության մեջ առաջին տնօրենն էր, ով ընկերության հիմնադիր Ֆուսաձիրո Յամաուտիի ընտանիքի անդամը չէր:
