Փարիզում կալանավորել են մերկ սելֆի անող նկարչուհուն
Շվեյցարացի նկարչուհի Միլո Մոյրեն հուլիսի 5-ին կալանավորվել է Փարիզում այն բանից հետո, երբ ամբողջությամբ մերկացել է ու անցորդներին առաջարկել իր հետ սելֆի անել Էյֆելյան աշտարակի ֆոնին, հայտնում է ֆրանսիական Le Matin պարբերականը:
Իրավապահները կնոջը 24 ժամ պահելուց հետո ազատ են արձակել:
Ֆրանսիական օրենսդրության համաձայն՝ արգելվում է մերկ տեսքով ներկայանալ հանրությանը, իրավախախտը կարող է տուգանվել մինչև 15 հազար եվրոյով:
Սակայն Մոյրեն կարողացել է ազատվել միայն նախազգուշացմամբ:
Ինչպես բացատրել է նկարչուհին, տվյալ ներկայացումը Naked Selfie («Մերկ սելֆի») կոչվող նախագծի մաս է կազմում:
Հունիսին Միլոն նման ներկայացում ցուցադրել էր Շվեյցարիայի Բազել քաղաքում:
Միլո Մոյրեն հայտնի էր դարձել Գերմանիայի «Արտ-Քյոլն» տոնավաճառում իր անսովոր շոուով:
