Արցախ այցելող զբոսաշրջիկների թիվը աճել է
Ընթացիկ տարվա հունվար-հունիս ամիսներին Լեռնային Ղարաբաղի Հանրապետություն է այցելել 5286 զբոսաշրջիկ, նախորդ տարվա նույն ժամանակահատվածի՝ 4353-ի փոխարեն։
Այս մասին «Արցախպրես»-ի թղթակցի հետ զրույցում ասել է ԼՂՀ արտաքին գործերի նախարարության մամուլի քարտուղար Անի Սարգսյանը:
«Այս տարի արտասահմանցի լրագրողների հետաքրքրությունը Արցախի նկատմամբ աննախադեպ է. առաջին վեց ամիսների տվյալներով ԼՂՀ ԱԳՆ տեղեկատվության ու հասարակայնության հետ կապերի վարչությունում լրագրողական հավատարմագիր է ստացել 100 արտասահմանցի լրագրող, մինչդեռ նախորդ տարի նույն ժամանակահատվածում՝ 23»,-նշել է Ա. Սարգսյանը։
