Հունաստանից կապիտալի արտահոսքը հասել է օրական 100 մլն եվրոյի
Վարկատուների հետ համաձայնության բացակայությունը կհարվածի Հունաստանի բանկային համակարգին արդեն երկուշաբթի՝ հուլիսի 13-ին, գրում է Financial Times-ը՝ հղում կատարելով եվրոպական պետության բանկային ոլորտի ներկայացուցչին:
Հունաստանից կապիտալի արտահոսքը, չնայած դրա տեղաշարժի սահմանափակմանը, հասել է օրական 100 մլն եվրոյի:
Թերթի զրուցակցի խոսքով՝ Հունաստանի բանկային համակարգի լիկվիդայնությունը կավարտվի արդեն երկուշաբթի. փողերը պարզապես կվերջանան:
Առանց միջազգային վարկատուների հետ համաձայնության՝ Հունաստանը պետք է դուրս գա եվրոգոտուց կամ հայտարարի բանկային ավանդների կրճատման մասին, այսինքն՝ ավանդատուների ավանդների մի մասը փաստացի յուրացնի:
