Հռոմի պապը ներողություն է խնդրել Ամերիկայում եկեղեցու գործած հանցագործությունների համար

Հռոմի պապ Ֆրանցիսկոսը Բոլիվիայում մի խումբ հնդկացիների ու ակտիվիստների հետ հանդիպմանը անկեղծորեն ներողություն է խնդրել Ամերիկայի գրավման ժամանակ եկեղեցու գործած հանցագործությունների համար, հայտնում է LifeNews-ը:

«Ես ներողություն եմ խնդրում ոչ միայն եկեղեցու ագրեսիվ գործողությունների, այլև այն հանցագործությունների համար, որ իրականացվել են բնիկների հանդեպ այսպես կոչված Ամերիկայի նվաճման ժամանակ»,-հայտարարել է Ֆրանցիսկոսը:

Նա նշել է, որ լատինամերիկյան եկեղեցական գործիչները անցյալում «հանուն Աստծո ծանր մեղքեր են գործել Ամերիկայի բնիկների դեմ»: