Ադրբեջանի ԱԳՆ-ն հաստատել է Ստերլիգովին «սև ցուցակ» գցելու փաստը
Ադրբեջանի ԱԳՆ-ն այսօր հաստատել է «օկուպացված տարածքներ» այցելող արտասահմանցի քաղաքացիների նկատմամբ պետական դիրքորոշումը՝ տեղեկացնելով «սև ցուցակի» համալրման մասին:
Վերջիններիս կարգելվի մուտք գործել Ադրբեջան, տեղեկացնում է Trend-ը՝ վկայակոչելով Ադրբեջանի արտգործնախարարության մամլո ծառայության ղեկավարին:
Գործակալությունը գրում է, որ ցուցակի թարմացումը կապված է վերջին երկու իրադարձությունների հետ՝ Լեռնային Ղարաբաղ օպերային երգչուհի Լյուբով Կազարնովսկայայի ու ռուս գործարար Գերման Ստերլիգովի «զբոսաշրջային այցի» հետ:
Այսուհետ վերջիններս Ադրբեջանում համարվում են պերսոնա նոն-գրատա:
