Հայտնի է, թե ով է սպասարկելու ՈՒԵՖԱ-ի Սուպերգավաթի եզրափակիչը
Հայտնի է ՈՒԵՖԱ-ի Սուպերգավաթի Բարսելոնա-Սևիլիա հանդիպման մրցավարական անձնակազմը: Հանդիպումը կսպասարկի շոտլանդացի Վիլյամ Կոլլումի գլխավորած մրցավարական բրիգադը, հաղորդում է ՈՒԵՖԱ-ի պաշտոնական կայքը:
Կոլլումին եզրերից կօգնեն Դամիեն Մակգրեթը (Իռլանդիա) և Ֆրենսիս Կոնորը, իսկ դարպասների հետևում կաշխատեն Բոբի Մեդենը և Կևին Կլենսին: Հանդիպման պահեստային մրցավարը կլինի Գրեմ Չեմբերսը: Մրցավարական բրիգադն ամբողջությամբ շոտլանդական է:
Հիշեցնենք, որ Բարսելոնայի և Սևիլիայի միջև հանդիպումը տեղի կունենա օգոստոսի 11-ին՝ Թբիլիսիում:
Սիրարփի Աղաբաբյան
