Ամերիկյան Բալթիմորում հրաձգության հետևանքով 3 մարդ է զոհվել
3 մարդ է զոհվել ամերիկյան Բալթիմոր քաղաքի Մերիլենդի համալսարանի մերձակայքում տեղի ունեցած հրաձգության հետևանքով, հայտնում է Associated Press-ը:
Նախօրեին երեկոյան տեղի ունեցած հրաձգության հետևանքով վնասվածքներ է ստացել 4 մարդ, որոնցից 1-ը մահացել է տեղում, ևս 2-ը՝ հիվանդանոցում:
Տուժածներից մեկը կարողացել է ինքնուրույն հասնել մինչև հիվանդանոց:
Ինչպես հայտնել են Մերիլենդի համալսարանից, նախօրեին համալսարանական մասնաշենքին է մոտեցել երկու տղամարդ ու կրակ բացել փողոցում անցորդների վրա:
Ոստիկանությունը հետաքննում է տեղի ունեցածը:
