«Հայաստանի 6 մարզերի 1-4-րդ դասարանում սովորող 50.000 երեխաների վրա գիտափորձ է կատարվել. տեղյակ չեն ո՛չ ծնողները, ո՛չ ուսուցիչները, ո՛չ երեխաները, ո՛չ էլ հասարակությունը»
«Քննարկման ժամանակ, երբ ՌԴ Ակադեմիայի սննդի ինստիտուտի տնօրեն, ակադեմիկոս Տուտելյանին ասացի, որ միջազգային սերտիֆիկատ ունեցող լաբորատորիայի տվյալներով՝ սպիտակ հացն իր մեջ պարունակում է 20մլ/գրամ երկաթի ֆոլատ, նա պատասխանեց՝ հնարավոր է՝ դա տեխնիկական սխալ է»,-ասյօր հրավիրված ասուլիսում, խոսելով Երևանում անցկացված բժիշկների միջազգային համաժողովում ֆոլաթթվով ալյուրի հարստացման թեմայի քննարկման մասին, ասաց հասարակական-քաղաքական գործիչ Խաչիկ Ստամբոլցյանը:
«Ըստ Օքսֆորդի, Քեմբրիջի, Տորոնտոյի համալսարանների գիտնականների՝ ֆոլաթթուն քաղցկեղածին է: Երբ Տուտելյանն ասում էր՝ գիտե՞ք, այս գործընթացն առաջին անգամ Կանադայում, ԱՄՆ-ում են արել, Կարինե Դանիելյանը շատ հետաքրքիր պատասխան տվեց, նա ասաց՝ գիտե՞ք, երբ ԱՄՆ-ում քայլում եմ, դիմացից եկողին նայելով չեմ կարողանում հասկանալ՝ տղամա՞րդ է, թե՞ կին ու քանի՞ տարեկան է, որովհետև այնտեղ գրեթե բոլորը մսագնդեր են, դուք ինչո՞ւ եք ԱՄՆ-ի օրինակն ուզում: Ես ավելին ասեմ՝ այսօր Կանադայի բնակինչների 4-ից մեկը քաղցկեղով հիանդ է: Սա հատուկ մարդկության ոչնչացմանն ուղղված ծրագիր է»:
Բանախոսը հայտարարեց նաև Հայաստանում հանցագործության մասին. երեխաների վրա արվել է գիտափորձ:
«Իսրայելի ու Ռուսաստանի ֆինանսավորմամբ Հայաստանի 6 մարզերի 1-4-րդ դասարանում սովորող 50.000 երեխաների արդեն 5 տարի կերակրում են հարստացված ալյուրով, մակարոնեղենով, ձեթով: Ինձ մոտ կա փաստաթուղթ, որտեղ գրված է՝ թե՛ ՌԴ գյուղատնտեսության նախարարությունը, թե՛ Իսրայելի միջազգային զարգացման համագործակցության կենտրոնը ընդունում են, որ երեխաներին տրվող սննդարար տարրերով հարստացված նախաճաշը նպաստում է նրանց զարգացմանն ու աճին: Եթե այդքան լավ ծրագիր է, ապա ինչո՞ւ ո՛չ Ռուսաստանում, ո՛չ Իսրայելում չի գործում:
Իսրայելի ուշքը գնո՞ւմ է, որ մեր երեխաները առողջ մեծանան: Վերջերս Օնկոլոգիայի ինստիտուտի տնօրեն Հայրո Գալստյանը հայտարարեց, որ Լոռիում մանկական քաղցկեղը աճել է: Լոռին մտած է այն մարզերի մեջ, որտեղ երեխաներին կերակրում են հարստացված սննդով: Այս հարցի մասին ես քրեական գործ եմ հարուցել:
Ներկայացրել եմ Աղվան Հովսեփյանին՝ 127-րդ հոդվածով, որ երեխաների վրա գիտափորձ են կատարում և տեղյակ չեն ո՛չ ծնողները, ո՛չ ուսուցիչները, ո՛չ երեխաները, ո՛չ էլ հասարակությունը: Ոստիկանությունից ու դատախազությունից ստացել եմ թղթեր. մի հիմնարկից մյուսն են ուղարկում: Ոչ ոքի չի հետարքրում այս 50.000 երեխաների ճակատագիրը»,-նշեց նա:
Խ. Ստամբոլցյանի տեղեկություններով՝ մոտ 70 մլն-ի չափի գումար է տրված, որպեսզի ալյուրի հարստացման ծրագիրը Հայաստանում իրականացվի.
«Դեռ ԱԺ-ն չի որոշել՝ ալյուրը հարստացնելու մասին ծրագիրն ընդունե՞լ, թե՞ ոչ, բայց արդեն սարքավորումները ներկրվել են Հայաստան: Ես առողջապահության նախարարի հետ անձամբ եմ խոսել, հարցրել եմ՝ թե ո՞վ է թույլ տվել սարքավորումները բերել, ինքն ասում է՝ երևի ՅՈՒՆԻՍԵՖ-ն է բերել: ՄԱԿ-ի գրասենյակը պետք է ինչ-որ պետության հետ պայմանավորված լինի, որ մաքսային սիստեմով այդ սարքավորումն անցնի. ո՞վ է պայմանագիր կնքել Հայաստանից, որ այդ սարքավորումները ներկրեն: Իրենք ամեն ինչ արել են, որ այս պրոցեսը տեղի ունենա: Սա հակամարդկային, հակաաստվածային, դաժան գործողություն է»:
