Չիլիում հավանության է արժանացել մարիխուանայի մասնակի օրինականացումը
Չիլիի Կոնգրեսի ստորին պալատը հավանության է արժանացրել օրենքը, որը թույլ է տալիս բժշկական, կրոնական նպատակներով աճեցնել ոչ մեծ քանակությամբ մարիխուանա, հայտնում է BBC-ի ռուսական ծառայությունը:
Փաստաթղթի ընդունմանը կողմ է քվեարկել 68 խորհրդարանական, 39-ը դեմ են քվեարկել: Օրենքի որոշ հակառակորդներ նշում են, որ այն նպաստելու է թմրանյութերի տարածմանը:
Ներկայում Չիլիում մարիխուանայի աճեցումը, վաճառքն ու տեղափոխումը պատժվում է բանտարկությամբ՝ մինչև 15 տարի ժամկետով:
Մինչ օրենքի ուժ ստանալը նոր օրենքը պետք է հավանության արժանանա նաև առողջապահական հանձնաժողովում ու Սենատում:
Ավելի վաղ մարիխուանայի օգտագործման սահմանափակումները հանել էին մի շարք երկրների իշխանություններ, այդ թվում՝ Ուրուգվայը, Ճամայման, ԱՄՆ-ի որոշ նահանգներ:
