Հունաստանին եվրոգոտի ընդունելը միամտություն էր. Գերմանիայի փոխկանցլեր
Գերմանիայի փոխկանցլեր ու էկոնոմիկայի նախարար Զիգմար Գաբրիելը առաջին անգամ խոստովանել է, որ Հունաստանին արժութային միություն ներառելը 2001 թվականին եղել սխալ է եղել:
Այս մասին նա հայտարարել է գերմանական Stern ամսագրին տված հարցազրույցում:
«Այսօրվա դրությամբ բացարձակ միամտություն էր Հունաստանին ընդունել եվրոգոտի, սակայն ավելի վատ է, որ բոլորը դեռ շատ երկար դիտում էին, թե ինչպես է երկրին պատում ճգնաժամը»,-ասել է Գաբրիելը:
Եվրոգոտու երկրները այլևս իրավունք չունեն «աչք փակել այն բանին, որ ինչ-որ մի երկիր չի հետևում Եվրոպայում խաղի կանոններին», կարծում է քաղաքական գործիչը:
Ըստ նրա՝ խաղի կանոններ ասելով հարկավոր է հասկանալ ոչ միայն ֆինանսական կողմը, այլև հասարակական-քաղաքական:
Գերմանիայի փոխկանցլերի խոսքով՝ Հունաստանի պարտքերի մասնակի դուրսգրում հնարավոր է: Գերմանացի նախարարը կոչ է արել եվրոպացիներին ըմբռնումով մոտենալ հույներին: «Մենք իրավունք չունենք պատասխանատվությունը դնել մարդկանց վրա, այնինչ հիմարությունները գործել է նրանց կառավարությունը»,-ասել է նա:
