Յուրա Մովսիսյանը վերադարձավ «Սպարտակի» հավաք
Sport-Express.ru-ն տեղեկացնում է, որ Մոսկվայի «Սպարտակի» և Հայաստանի հավաքականի հարձակվող Յուրա Մովսիսյանը միացել է թիմին, որն ուսումնամարզական հավաք է անցկացնում Շվեյցարիայում։
Մոսկվացիները հաջորդ մրցաշրջանին նախապատրաստվում են Շվեյցարիայում։
Հիշեցնենք, որ Մովսիսյանն Ամերիկայի Միացյալ Նահանգներում էր, որտեղ բուժվում էր վնասվածքից: Մովսիսյանը միացել էր Հայաստանի ազգային հավաքականին՝ պատրաստվելու Պորտուգալիայի ընտրանու դեմ խաղին, սակայն մարզումների ընթացքում ցավեր էր ունեցել և մեկնել Միացյալ Նահանգներ:
Աղբյուրը նշում է, որ կարծես Մովսիսյանը ամբողջությամբ ապաքինվել է վնասվածքից:
Սիրարփի Աղաբաբյան
